Croeso i CFfI Cymru

Croeso i wefan CFfI Cymru. Mae CFfI Cymru yn fudiad ieuenctid gwirfoddol sy'n cynrychioli 6,000 o bobl ifanc yng nghefn gwlad Cymru. Er bod enw'r Mudiad yn cyfeirio at ffermwyr ifanc, mae ein haelodaeth yn cynnwys pobl ifanc o bob cefndir sy'n byw yng nghefn gwlad - felly nid oes rhaid i chi fod yn ffermwr er mwyn bod yn aelod - os ydych rhwng 10 a 26 mlwydd oed ac yn joio byw a joio dysgu ymunwch gyda CFfI Cymru mwy...

Y diweddaraf o CFfI Cymru

A-Z - Cliciwch yma ar gyfer y tudalen A - Y.

Pentref Ieuenctid

Mae'r paratoadau ar gyfer y Pentref Ieuenctid, sydd i'w gynnal o ddydd Sul 18 Gorffennaf nes dydd Mercher 21 Gorffennaf, wedi dechrau ers amser. Mae'r isadeiledd wedi cael ei archebu, gyda chynlluniau ar droed ar gyfer ychwanegiadau cyffrous er mwyn rhoi hwb i awyrgylch unigryw'r digwyddiad. Fe fydd trafodaethau ynglŷn â'r prisiau gwersylla a mynediad yn cael eu cynnal mewn cyfarfodydd yn fuan. Fe fydd yr holl ffurflenni perthnasol yn ar gael i'w his-lwytho ar y 1af o Fawrth. Nodwch y dyddiadau yn eich dyddiadur ar gyfer gŵyl gerddoriaeth wych arall!

 

Taith Dros Fywyd Kidney Wales a noddir gan Specsavers

Yng Nghymru, mae rhywun yn marw pob 11 diwrnod tra'n disgwyl am drawsblaniad. Ein elusen dethol eleni yw Sefydliad Aren Cymru (Kidney Wales Foundation) sy'n gyfrifol am gydlynnu'r ymgyrch rhoi organnau yng Nghymru. Mae eu digwyddiad codi arian mwyaf yn cael ei gynnal yn fuan ac rydym yn chwilio am Ffermwyr Ifanc i ymuno yn yr hwyl a'u cefnogi. Cliciwch yma am fwy o wybodaeth.

 

 

Cystadleuaeth ddrama Cymraeg CFfI Cymru

Cynhelir y gystadleuaeth ddrama Cymraeg yn Neuadd Aberdyfi, Meirionnydd ar nos Wener Chwefror 26ain a nos Sadwrn 27ain Chwefror 2010. Bydd perfformiadau'r ddwy noson yn dechrau am 7yh.

Nos Wener, 26ain Chwefror 2010

Maldwyn; Clwyd; Ceredigion; Meirionnydd

Nos Sadwrn, 27ain Chwefror 2010

Sir Gâr; Brycheiniog; Sir Benfro

Pris mynediad fydd £7 y tocyn. Fe fydd tocynnau yn mynd ar werth i'r cyhoedd ar y 8fed o Chwefror o Swyddfa CFfI Cymru 01982 553 502 neu Swyddfa CFfI Meirionnydd 01341 423 846.

 

Cystadleuaeth ddrama Saesneg CFfI Cymru  

Cynhelir y gystadleuaeth ddrama Saesneg yn Theatr Brycheiniog, Aberhonddu ar nos Wener 5ed o Fawrth a nos Sadwrn y 6ed o Fawrth. Bydd perfformiadau'r ddwy noson yn dechrau am 7yh.

Nos Wener, 5ed Mawrth 2010

Sir Gâr; Gwent; Brycheiniog; Maesyfed

Nos Sadwrn, 6ed Mawrth 2010

Maldwyn; Sir Benfro; Morgannwg

Pris mynediad fydd £8 y tocyn. Fe fydd tocynnau yn mynd ar werth i'r cyhoedd am 10yb ar y 22ian o Chwefror o Theatr Brycheiniog 01874 611 622.

Cynllun Ŵyn CFfI Cymru

Mae CFfI Cymru wedi gweithio'n agos gyda Dunbia a Sainbury's er mwyn datblygu cyfle ar gyfer aelodau CFfI Cymru i gyflenwi naw Siop Sainsbury yng Nghymru gyda chig oen Cymreig, 52 wythnos o'r flwyddyn. Fe fydd y cynhyrchydd yn derbyn pris premiwm a tal bonws ar gyfer y mudiad er mwyn cefnogi'r aelodau i ddatblygu eu hunain ymhellach. Am fwy o wybodaeth cliciwch yma neu cysylltwch gyda jenni.evans@yfc-wales.org.uk

 

Elusen y Flwyddyn

Elusen y Flwyddyn ar gyfer 2009/10 bydd Sefydliad Aren Cymru - cliciwch yma am fwy o wybodaeth.