MATERION GWLEDIG

Amaethyddiaeth a Materion Gwledig yw un o brif feysydd gweithgaredd ar gyfer CFfI Cymru ac CFfI Cymru yw'r unig Fudiad Cenedlaethol o fewn Cymru sy'n cynrychioli barn pobl ifanc o gefndiroedd gwledig.

Mae'r is-bwyllgor yn cwrdd tair gwaith y flwyddyn ac yn gyfrifol am drafod materion sy'n ymwneud a rhaglen gwaith y Cymuned, Amgylchedd a Menter.

Mae trafodaethau'r pwyllgor yn ffurfio ymatebion CFfI Cymru i faterion cyfredol ac yn y diwedd gall yr ymatebion hyn cael eu cynnwys ym mholisïau Cynulliad Cymru. Mae'r gwaith pwysig yma yn rhan o raglen gwaith Cymryd Cyfrifoldeb sy'n annog pobl ifanc i gymryd cyfrifoldeb am ddyfodol eu hunain ac i gymryd diddordeb mewn materion cyfredol sy'n effeithio eu bywydau.

Caiff nifer o gystadlaethau eu cydlynu gan y pwyllgor,

Her y Gymuned a'r Amgylchedd, Cynllun Menter CFfI Cymru NatWest a Gwobr Ffermwyr Ifanc Urdd Lifai Cymru

Mae'r pwyllgor hefyd yn gyfrifol am nifer o ymweliadau rhanbarthol a gweithgareddau eraill sy'n cael eu cynnal trwy gydol y flwyddyn.

Rhan arall o waith y pwyllgor yw'r basdata cyfleoedd. Cafodd y basdata yma ei sefydlu er mwyn ceisio cysylltu ffermwyr ifanc yng Nghymru gyda chyfleoedd sydd ar gael mewn amaethyddiaeth. Mae'r basdata hefyd yn ffordd o greu cysylltiadau gyda'r ffermwyr hynny sydd â chyfleoedd i'w gynnig. Os ydych yn gwybod am unrhyw gyfleoedd ffermio yng Nghymru neu os oes ganoch gyfle i'w gynnig i ffermwyr ifanc cliciwch yma os gwelwch yn dda.